iPlusගේ Fiverr කුප්පිය 1

ආයුබෝවන් සියලුම දෙනාට. අද සිට ඔබට ගෙන එන්නේ iPlusගේ Fiverr කුප්පිය 06. අනුතර්ජාලයෙන් මුදල් සොයන්න උත්සුක වන අයට වැදගත්මබ හෝඩුවාවක් මේ හරහා ලබාගන්න පුළුවන්. මෙතැන් සිට එම ලිපි 06 ඔබ වෙත දිගහැරෙනු ඇති අතර මෙහි අයිතිය මා සතු නොවන අතර එය iPlus සතු බව කරුණාවෙන් සලකන්න. එහි ඵලවූ ලිවන්ක් හා කොමෙන් ඒ අයුරින්ම තබා ඇති අතර යම් ගැටළුවක් තිබුනොත් විමසන්න. හැකි වේලාවක පිළිතුරු ලබා දෙමි.

Sep 8, 2011

ඔබද ලක්ෂපති මමද ලක්ෂපති | Fiverr කුප්පිය #1

Posted by iPlus on 10:49 AM

එක එක රූපවාහිනී නාලිකාවල, ගුවන්විදුලි නාලිකාවල ලක්ෂපතියන් බිහිකරනවා දැකලා ඇති. ඊට අමතර අර සම්පත, මේ සම්පත කියලා ටිකට් වලිනුත් ලක්ෂපතියන් බිහිකරනවා දැකලා ඇති. තවත් කීවොත් එක එක බැංකු මගිනුත් දිනුම් ඇදලා ලක්ෂපතියන් බිහිකරනවා දැකලා ඇති.

මේවා කිසිම දෙයක් ප්‍රායෝගික දේවල් නෙවේ කියලා තේරෙනවා නැතෑ. අද කියලා දෙන්න යන්නේ තමන්ගේ උත්සාහයෙන් ලක්ෂපතියෙක් වෙන ක්‍රමයක්. දැන් කෙනෙක් අහාවි, ඇයි දැන් උබ ලක්ෂපතියෙක් වුනාද කියලා. ඒකට දෙන උත්තරේ තමයි, මම තාම දහස්පතියෙක්, ටික කාලයකින් ලක්ෂපති කියන තනතුරට උසස්වීම් ලබන්නත් බැරිවෙන එකක් නෑ.

Fiverr කියන්නේ මොකක්ද?

Fiverr කියන එකේ සිංහල තේරුම "පහට වැඩකරන තැන" යන්නයි. පහ කියන්නේ කොස්ගෙඩිවත් පොල්ගෙඩිවත් නෙවේ, ඩොලර් 5. මේක $5ට වැඩකරලා දෙන Freelancer වෙබ් අඩවියක්. fiverr.com මෙච්චර කාලයක් කුරුමානම් අල්ලලා ඔන්න මං අල්ලාගත්තා පොට. කැමතිනම් පුලුවන් ඔයාලටත් එල්ලෙන්න. හැබැයි කුප්පිය ඉවරවෙනකන් මගෙන් අහන්න එපා දිව්‍යලෝකේ කොච්චර ලොකුද කියලා. එහෙම වුනොත් අපිට ආයෙත්වෙන්නේ කුබුරු කොටන්න. දන්නවා ඇතිනේ ගමරාළ දිව්‍යලෝකේ ගිය කතාව.

කීයක් හම්බ කලාද?

හම්බ කරපු මුදලෙන් ටිකක් පෙන්නනම්. ඔක්කොට ඉස්සරලා ගෙදර කාටහරි ලගට අඩගන්න, කලන්තේ දැම්මොත් එහෙම මාර කේස් එකක් වෙන්නේ.

 

මොකක්ද මේ ලක්ෂපති කතාව?

ඉස්සරෝම බලන්නකෝ පහල ScreenShot එක.

ඕකේ ඔය Facebook Likes විකුනන කෙනාගේ Gig එක අපි බලමු.

රතුපාටින් ඉරක් ඇදලා තියෙන පෙදෙස බලන්න. Pros සහ Cons දාලා තියෙනවා පේනවානේ. ඒකෙන් එයා $5 ඒවා කීයක් විකිනුවාද කියලා බලන්න පුලුවන්.

Pros ගාන= 2731

අපි බලමු එයාගේ ආදායම,

2731 x $4 = $10924 ~ Rs. 1,092,400

මම අත්දකීමේන් මේ කියන්නේ Pros සහ Cons  දාලා යන්නේ Gig මිලදීගන්න පිරිසෙන් තුන් දෙනෙකුට එක් අයෙක් විතර.

සැබෑ ආදායම~ Rs. 1,092,400 x 3 = Rs. 3,277,200  

දැන් දුවලා ගිහිල්ලා වතුර ටිකක් එහෙම බීලා එන්න ඉතුරු ටික අහන්න.

මෙච්චර Gig විකිනෙන්න හේතුව මොකක්ද?

පේනවනේ හේතුව. පිස්සු හැදෙනවා නේද?

මේ වගේ දේකට කුප්පියක් නොදා කොහොමද. කුප්පිය බලාපොරොත්තුවෙන් ඉන්න. දන්න කෙනෙක් මට මේ ටික කියලා දෙන්න.

"FastSpring මගින් පේපැල් මුදල් ලංකාවට ගෙන්වන හැටි". හරියට කියලා දෙනකෙනෙකුට මං හොදට සලකනවා.

මං සෑහෙන්න ඔට්‍ටුවුනා, තාම වැඩේ අල්ලාගන්න බැරිවුනා.

තව ලොකු උදව්වක්. WebCam එකක් ගෙනාවා. ඒක Brand එකක් නැති එකක්. ඒකට ඩ්‍රයිවස් නෑ. මගේ OS එක Vista. ඩ්‍රයිවස් තියෙන කෙනෙක්  ඩ්‍රයිවස් දෙනවානම් ලොකු උදව්වක්.

එහෙනම් ගිහින් එන්නම්. ඔබට ජය!

ඔබද ලක්ෂපති? මමද ලක්ෂපති?

Payoneer Card ගැන සුද්ද සිංහලෙන් | PayPal කුප්පිය #9

NOV 22, 2011

Payoneer Card ගැන සුද්ද සිංහලෙන් | PayPal කුප්පිය #9

Posted by iPlus on 3:02 PM

Payoneer Card කියන්නේ මොකක්ද?

මේක පෙරගෙවුම් ණය කාඩ් පතක්. තවත් විදියකට කීවොත් Prepaid Master Card එකක්. ඒ වගේම ලංකාව ඇතුලු ලෝකයේ රටවල් සිය ගානක් පිලිගන්නාවූ වැදගත් Debit Card එකක්.

Payoneer Card එක තියෙන්නේ මොකටද?

 අපට ලංකාවේ වගේම ජාත්‍යන්තර වශයෙන් වුවත් ඕනෑම ගෙවීමක් කිරීම සදහා මේ කාඩ් එක යොදාගන්න පුලුවන්. ඒ වගේම මේක නොමිලේ අපේ ගෙදරටම එවනවා.  මේ හරහා පේපැල් මුදල් ලංකාවේ ATM යන්ත්‍රයක් හරහා රුපියල් කරන්න පුලුවන්.

ලංකාවට වලංගුද?

 ඔව්. සම්පූර්ණයෙන්ම වලංගුයි. කිසිම අවුලක් නෑ. රෙස්පට් එකේ භාවිතා කරන්න විතරයි තියෙන්නේ.

Payoneer Card එකක් ගන්නේ කොහොමද?

අපිට කෙලිම Payoneer වෙබ් අඩවියට ගිහින්, මට කාඩ් එකක් දියන් කියලා ඉල්ලන්න බෑ. වෙනත් වෙබ් අඩවියක් හරහා කාඩ් එකක් ඉල්ලන්න ඕනේ.

oDesk

Plimus

2CO

වැනි වෙබ් අඩවි හරහා ලේසියෙන්ම කාඩ් එකක් ගන්න පුලුවනි.

Plimus වලින් Payoneer Card එකක් ගමු

Plimus ගිනුමට ලොග්in වෙලා පහල රූපයේ පරිදි අංක පිලිවෙලට කරන්න.

 4 බොත්තම එබුවාම පහල ලෙස වෙනත් පේජයකට පිවිසේවි.

ඉහත රූපයේ පෙන්වා තියෙනවා අපි සම්පූර්ණ කලයුතු Steps.

Step 1, Step 2හා Step 3 කියන බොත්තම් ඔබලා ඒවාගේ තොරතුරු පුරවලා submit  කරන්න. එතකොට ඉවරයි.

oDesk වලින් Payoneer Card එකක් ගමු

oDesk ගිනුමට ලොග්in වෙලා පහල රූපයේ පරිදි අංක පිලිවෙලට කරන්න.

මෙතනින් පස්සේ පියවර සියල්ල, ඉහත Plimus පියවරමයි

Payoneer Card කතාන්දරය

 එකෝමත් එක කාලෙක අපි පේනියර් කාඩ් එකකට ඉල්ලුම් කලා කියලා හිතමුකෝ. ඉතින් ඊට පස්සේ පේනියර් ගිනුමේ තවමත් පෙන්නන්නේ Unverified, Inactive Account කියලා. කාඩ් එකක් ඉල්ලලා සති තුනකින් විතර ගෙදරටම කාඩ් එක එනවා. ඊටපස්සේ කාඩ් එකේ විස්තර අපි Payoneer ගිනුමට ලොග් වෙලා ඇතුලත් කරන්න ඕනේ.

ඒත් දැනගතයුතු දේවල් කිහිපයක්  තියෙනවා,

1. එම Payoneer කාඩ් එකහි තොරතුරු ඇතුලත් කරන අවස්තාවේ අපි PIN නම්බරයක් ඇතුලු කරන්න ඕනේ. අපි කැමති අංක 4කින් යුතු මතක හිටින නම්බරයක්.

2. නොමැකෙන පෑනකින් කාඩ් එක පි‍ටුපස අපේ අත්සන යොදන්න ඕනේ

3. ඉහත කරුන සියල්ල සම්පූර්ණ කලත් තාම කාඩ් එක Active නෑ. Active කිරීම සදහා අපට යම් මුදලක් වැයවෙනවා

Payoneer Card එක Active කරන හැටි

මේ සදහා අපට වෙනත් VISA/MASTER කාඩ් එකක් තියෙන්න ඕනේ. HNB Card, Sampath Web Card හෝ වෙනත් ඕනැම බැංකුවක කාඩ් එකක් යොදාගන්න පුලුවන්. හැබැයි අඩුම තරමේ $20 ක් ඒ කාඩ් එකේ තියෙන්න ඕනේ. පලවෙනි පාර Payoneer Cardඑකට මුදල් ලෝඩ් කල සැනින් එයාලාගේ ගාස්තු එයාලා කපාගන්නවා. Active කිරීමේ ගාස්තුව $10යි.

https://load.payoneer.com/LoadToPage.aspx වෙත පිවිසෙන්න.

 අංක පිලිවෙලට කරන්න. කො‍ටු කර ඇති දේවල් පිලිබදව සැලකිලිමත් වන්න.

Payoneer Card එකේ ගාස්තු

Monthly card account maintenance = $4 per month

ATM Withdrawal Fee = $2.15 + 3%

සාමාන්‍ය මුදල් ගෙවීම් වලට ගාස්තුවක් අය කරන්නේ නෑ

Payoneer Card එකෙන් රුපියල් ගන්න හැටි

http://www.mastercard.com/us/personal/en/cardholderservices/atmlocations/index.html  

ඉහත ලින්ක් එකෙන් ඔබේ ප්‍රදේශයේ මුදල් ලබාගත හැකි ATM යන්ත්‍ර බලාගන්න පුලුවන්. කොමර්ෂල් බැංකු තමයි ගොඩක් සපෝට් කරන්නේ. කාඩ් එක මැෂින් එකට දාලා අවශ්‍ය මුදල ගහපු ගමන්, කාඩ් එකේ තියෙන ඩොලර් රුපියල් වෙලා එලියට එනවා.

PayPal, Plimus & Payoneer Card

අපි පේපැල් කුප්පිය 7 සහ 8 න් පේපැල් මුදල්  Plimus වලට දැම්මානේ. ඔන්න කුප්පිය 9න් Plimus මුදල් Payoneer Card එකට දාලා, ලංකාවේ ATM එකකින් එලියට ගත්තා. අන්තිම ප්‍රතිපලය බැලුවොත්, PayPal වල තිබුන ඩොලර්, ලංකාවෙන් රුපියල් විදියට මතුකරගත්තා. හරියට බැලුවොත් මේකත් මැජික් එකක් වගේ වැඩක්. ඉතින් කවුද කියන්නේ පේපැල් ලංකාවට සල්ලි එවන්නේ නෑ කියලා?

ගිහින් එන්නම්,
ඔබට ජය!