අන්තර්ජාල මුදල් ලංකාවට ගන්න payza ගිණුමක් නිවරදිව හදන්නේ මෙහෙමයි

 

ආයුබෝවන් පැමිණි සියලු දෙනාටම, ඉක්මනින්ම මේ පෝස්ට් එක දාන්න හිටියත්  කාර්ය බහුල නිසා ටිකක් පරක්කුවුනා . මොකද මේක හැමෝටම තේරෙන විදියට වැඩේ කරන්නත් ඕන නිසා හෙමින් තමයි මේකේ ඩ්‍රාෆ්ට් එක කළේ.  ඉතින් අද මම හදන්නේ තවත් මුදල් සොයන්න පුළුවන් ක්‍රමයක් ගැන කියන්න නම් නෙමෙයි. මම මුල්ම Post එකේදි කිව්වනේ අපි අන්තර්ජාලයේ උපයන මුදල් ලබා ගන්න Online payment processor (අන්තර්ජාල බැංකු ගිණුමක්) එකක Register වෙන්න ඕනි කියලා. ඒ ගැන කියෙව්වේ නැති කෙනෙක් ඉන්නවා නම් මෙතනින් ගිහින් (ක්ලික් කළාම ලැබෙන සයිට් එකේ තත්පර 5ක් ඉදලා දකුණූපස ඉහල තියෙන SkipAd මත ක්ලික් කරන්න)කියවලා දැනුවත් වෙන්න පුළුවන් ඒ වගේම ඔය උඩ තියෙන සියළුම ලිපි බලන්න කියන බටන් එක ඔබලා ගිහින් මේ දක්වා ඵලවී ඇති  ලිපි මාලාවම කියෙව්වොත් ඔයාලටම කියලා අන්තර්ජාලයෙන් මුදල් ලැබෙන ක්‍රමයක් හදා ගන්න පුළුවන්. ඒ වගේම හැකි විටකදී ඒවා කියවා ඔබගේ දැනුම වර්ධනය කර ගන්න. දවසකින් දෙකකින් කොට්පතියෙකු වෙන්න හිතන්න එපා. එහෙම කරන්න ගියොත් එයාලා අමාරුවේ වැටෙන්න පුලුවන්.

ඒ වගේම මම ඔයාලට මතක් කරන්නේ අන්තර්ජාලයේ උපයනකොට පරිස්සම් වෙන්න. හැමෝම අවංක නැහැනේ. මුදල් උපයන්න PTC ක්ලික් වලටම සීමා වෙන්න එපා. ඒ සයිට් වල තියෙන පොඩි පොඩි වැඩත් කරන්න. අතේ තියෙන මුදල් ඒවායේ ආයෝජනය කරන එක මම අනුමත කරන්නේ නැහැ. ඉදිරියේදී එම වැඩ පහසුවෙන් කරන විදිය කියා දෙන්න අපේක්ෂා කරනවා. ඒ වගේම ඔබගේ හැකියාවන්ගෙන් මුදල් උපයන්න උත්සාහ කරන්න. ඒ පිළිබදව මෙහි ඵල කර ඇති ලිපි වල සදහන් කර ඇත.

මුදල් ආයෝජනය කර මුදල් ඉපයීමට නම් විශ්වාසනීයම ක්‍රමය Forex බව හොදින් මතක තියාගන්න. ඒ පිලිබදව ඔබගේ අවධානය යොමු කරන්නේ නම් ගොඩක් හොදයි. ඊට අදාල ලිපි සකසමින් පවතින් අතර ඊට උනන්දුවක් දක්වන අය ඉන්නවා නම් ඊමේල් එකක් එවන්න. මෙම ඡේදය 2015/02/01 දින සංශෝධනය කරන ලදි.

ඉතින් අද මම සූදානම් වෙන්නේ ඔය අන්තර්ජාල බැංකු ගිණුම් රාශිය අතුරින් අපට ගනු දෙනු කිරීම පහසු එකක් වන Payza වල ගිණූමක් සාදාගැනීමේ සිට ස්ථීර (verify) කර ගැනීම දක්වා සියල්ල සරලව කියාදීමටයි.

එහෙමනම් payza ගිණුමක් සෑදීම ආරම්ඹ කරමු.

ඉස්සෙල්ලාම මෙතනින් ගිහින් Payza අඩවිය විවෘත කරගන්න (ක්ලික් කළාම ලැබෙන සයිට් එකේ තත්පර 5ක් ඉදලා දකුණූපස ඉහල තියෙන SkipAd මත ක්ලික් කරන්න) . දැන් ඔබ එම වින්ඩෝවේ දකුණුපස ඉහල කෙරවලේ ඇති Sign Up  බටන් එක මත ක්ලික් කරන්න. එතනදී මතුවන ඩින්ඩෝවේ ගිණුම් වර්ග තුනක් අතුරින් එකක් තෝරගන්න තියෙනවා. එයින්  ඔබ තෝරා ගතයුත්තේ Personal යන්නයි. පළමුව එහි උඩම ඇති select your country යන්නෙහි ඊ හිස මත click කර ඔබගේ රට තෝරන්න. බොහෝ විට එහි ඔබ ලොග්වූ රටම දිස්වේ. දෙවනුව   එහි select යන්න මත  click කරන්න.  පහත රූපයේ රතු රවුම බලන්න.

එය තේරූ විට  පහත රූපයේ පරිදි පෝර්ම් එකක් ලැබෙන අතර එය මම එහිම විස්තර කර ඇති පරිදි සම්පූර්ණ කරන්න.  මෙය නීත්‍යානුකූල ලියවිල්ලක් බැවින් ඔබගේ සත්‍ය තොරතුරු නිවැරදිව පුරවන්නත තමන්ගේ නම ඇතුළත් කරන විට එය බැංකු ගිණුමේ ඇති අයුරින් මුල් නම සහ අග නම යොදන්නත් වගබලා ගන්න. ඒ වගේම මම මුල් Post එකේ දි කිව්ව විදියට  මේ සදහා වෙනම ඊ‍මේල් ඇඩ්‍රස් එකක් භාවිතා කරන්න. මෙය සම්පූර්ණ කිරීමෙන් අනතුරුව Next step යන්න මත click කරන්න.

 

දැන් පළමු අදියර අවසන්ව දෙවනි අදියර සම්පූර්ණ කරීමට ඔබට සිදුවෙනවා. එය පහත රූපයේ විස්තර කර ඇති පරිදි නිවැරදිව සපූර්ණ කර අවසන් කර Next step යන්න මත click කරන්න.

දැන් පියවර 02ක් සම්පූර්ණයි. .මෙහිදී මතක තබාගතයුතු දෙයක් තියනවා . මෙහිදී ඔබ ලබා දෙන ඉලක්කන් 04කින් යුත් Transaction Pin එක අමතක නොකර ලියලා තියාගන්න. මෙය අපට ගිණුමට සල්ලි දාන්න ආපහු ගන්න යද්දි අවශ්‍යය වෙනවා . ඔය security Question එක තෝරද්දි හොදින් මතක තියෙන එකක් තෝරාගෙන එහි පිළිතුර දෙන්න. ඒකත් මතක ඇතිව ලියලා තියාගන්න.  Next step යන්න මත click කළාම පියවර 03ට යනවා. ඒ කියන්නේ ගිණුම වෙරිෆයි කරීමේ පියවර. දැන් ඔයා ලබාදුන්නු ඊමේල් ලිපිනයට . Payza එකෙන් ඊමේල් එකක් එවලා ඇති. එය Inbox එකේ නැත්නම් Spam එකෙන් සොයාගන්න. ඒත් නැත්නම් 03 පියවරේ ඇති නිල්පැහැති අකුරුමත නැවත ක්ලික් කළාම මේල් එක ඇවිත් තියේවි. පහත රූපය බලන්න.

දැන් එම ඊමේල් එක ඕපන් කරන්න.  එවිට පහත රූපයේ පරිදි එම මේල් එක දැකගතහැකි අතර දැන් එය කියවා එහි ලින්ක් එක මත ක්ලික් කර ඔබගේ ගිණුමට ලොගින් වෙන්න. එම ලින්ක් එක වැඩ නොකරයි නම් ඊට පහතින් ඇති ලිපිනය කොපි කර ඇඩ්‍රස්බාර් එකේ පේස්ට් කර ඉදිරියට යන්න.

මේ වන විට ඔබගේ ගිණුමේ ඊමේල් එක  වෙරිෆයි කරළා අවසන්. ඒ අනුව ඔබ පහත රූපයේ 01 අවස්ථාව පරිදි ඔබගේ ගිණුමට ඇතුළත් වනු ඇත.

දැන්  ඔබේ ගිණුම  වෙරිෆයි කරන්න ඕනි. එහෙම නැතිව ඔයාලට මෙහි මුදල් ගන්න බෑහැ . ඒ සදහා ඔයාලට ‍‍Credit cad  එකක් හරි Visa debit card එකක් හරි තියෙන්න ඕනි. ඔයාලට ‍‍Credit cad එකක් නැතිනම් ඔයාගේ දැනට ගිණුම් තියෙන බැංකුවෙන් ඔයාලට මේවන විටත් නිකුත් කරලා තියෙන Visa Debit Card එක ඇඩ් කරන්න පුළුවන්ද කියලා සොයා බලන්න. ඒක කරන්නේ මහෙමයි ඔය කාඩ් එකේ තියෙනවා කාඩ් සෙන්ටර් එකේ ‍ටෙලිෆෝන් අංකය. ඒකට කතා කරලා අහන්න මෙම කාඩ් එකෙන් ඔන්ලයින් පේමන්ට් කරන්න පුළුවන්ද කියලා. පුළුවන් බව කීවොත් වැඩේට ඒක හරි. ගිණුමක් විතරක් තියෙනවා කාඩ් එකක් නැතිනම් බැංකුවට කතා කරලා දැනගන්න එමගින් Visa Debit Card නිකුත්කරනවද? ඒ මගින් ඔන්ලයින් පේමන්ට් කරගන්න පුළුවන්ද කියලා. ඒක හරිනම් දැනට ඔබගේ බැංකු ගිණුම පවතින පවතින බැංකුවෙන් කාඩ් එක අයදුම් කරන්න.

දැනට මම දන්න තරමින් Payza වලට හොදින් සහාය දක්වන්නේ HNB බැංකුවේ වීසාකාඩ් එකතමා. මොකද මම ගණූදෙණු කරන්නේ ඒ හරහා තමයි. දැනට පවතින ඔයාගේ බැංකුව මේ සදහා සහාය දක්වන්නේ නැතිනම්  HNB ගිනුමක් හදාගන්න.  මේ දවස්වල නම් එහි ගිණුමක් අරින් රුපියල් 2500ක් දාන්න ඕන. ඔයා ගිණූම විවෘත කළ දවසේම පාස්පොත සමග කාඩ් එකක් දෙනවා.  

කෑම කන්න නොහැකිවූ එක් පුද්ගලයකු ඒ සදහා බෙහෙත් ගන්න ගිහින් දොස්තරගේ කීම් අසා කීවාලු දොස්තර මහත්තය කියනවා කාලා බෙහෙත් බොන්න කියලා ඒත් කන්න බැරි එකටනේ බෙහෙත් ගන්න ආවේ කියලා. ආන්න ඒ වගේ ඔයාලත් සල්ලි සොයන්න ආවේ සල්ලි නැති නිසානේ කියාවි. ඕක එච්චර හදිසියේ නොකළාට කමක් නැහැ. තමන් කරන ජොබ් වලින් යම් මුදලක් සොයාගෙන එය ගන්න සැලසුම් කරලා කරන්න පුළුවන්. 

හරි දැන් ඔයා ගාව  Visa Debit Card එකක් තියෙනවනේ. නමුත් ඕකෙනුත් තාම ගණුදෙණු කරන්න බැහැ. ඒකට  Online payment  ඇක්ටිව් කරගතයු තුයි. ඒකටත් කාඩ්එකේ තියෙන දුරකථන අංකයට කතා කරලා ඔන්ලයින් පේමනට් ඇකිටිව් කරලා දෙන්න කියන්නත එවිට ඔයාගේ කාඩ් එකේ අංක 16කින් යුත් අංකය ඉල්ලාවි. තව ඔයාගේ නම, හුදුනුම්පත් අංකය, ගිණුම් අංකය, මවගේ නම, ආදී තොරතුරු ඉල්ලාවි. ඒවා දෙන්න සූදානමින් ඉන්න. තව එකක් ඔයාට Online payment  ඇක්ටිව් කරන්න ඕන කාලය අහනවා. ඒක ඔයාට ඕන කාලයක් කියන්න. ගිණුමේ මුදල් වල ආරක්ෂෘව උදෙසා මාස 03,06 වගේ කාලෙකට අරන් දීර්ඝ කරන එක තමා සමහරු කරන්නේ. ලයිෆ් ටයිම්ම කරන්නත් පුළුවන්. බැංකුවට කලා කරන්න කීවාම කලබල වෙන්න දෙයක් නැහැ ඒ අය සුහදසීලීව ඔයාගේ අවශ්‍යතාව ඉටුකර දීමට සැදී පැහැදී ඉන්නවා. 

අවසන් පියවරට යන්න දැන් ඔයාගාව ‍‍Credit cad එකක් හෝ Online payment  ඇක්ටිව් කළ Visa Debit Card එකක් හෝ තියෙන්න ඕන. දැන් ඔබ Payza සයිට් එකට ගිහින් Login ක්ලික් කර ඔබ ලබා දුන් ඊමේල් ඇඩුස් එක සහ පාස්වර්ඩ් ලබා දී My Payza Account වෙත යන්න. 

ඊළගට එහි තියෙන Unverified කියන තැන click කරන්න. ඉහත රූපයේ 01 අවස්ථාවේ රතු රවුම බලන්න. නැතිනම් ඉහල බාර් එකේ තියෙන My Profile ‍යන මෙනුවෙහි Acaount  Verification යන්න තෝරන්න. දැන් ඔබට ලැබෙන වින්ඩෝවේ Credit Card Verification යන්න මත ක්ලික් කරන්න. ඉහත රූපයේ අවස්ථාව 02 හා එහි රතු රවුම බලන්න. දැන් ඔබට ලැබෙන ෆෝර්ම් එක පහත රූපයේ පරිදි සම්පූර්ණ කරන්න.

 

සියල්ල නිවැරදිව සම්පුර්ණ කර තිබේද යන්න පරීක්ෂා කර බලා Next මත ක්ලික් කරන්න.  පහත රූපයේ 01 අවසුථාව හා එහි රතු රවුම බලන්න. 

මීළගට ඔබේ කාඩ් එක වැලිඩේට් කිරීමේ අවස්ථාව උදා වෙනවා. ඒ සදහා ඉහත රූපයේ 02 අවස්ථාවේ සදහන් රතු රවුම තුළ පරිදි වන Validate cradit card යන්න මත ක්ලික් කර ඉදිරියට යන්න. ‍ඊළගට එන වින්ඩෝවේ Validate card යන්න මත ක්ලික් කරන්න. පහත රූපයේ රතු රවුම බලන්න.

එහිදී එන වින්ඩෝවේදී  Validate කිරීම දෙයාකාරයකින් ඔබට සිදුකර ගත හැක.  පහත රූපය බලන්න. එය 01 ක්‍රමය - Validate by charge (නිල් පාටින් ලකුණු කර ඇත)  සහ 02 ක්‍රමය - Validate by  Authorization form  (රතු පාටින් ලකුණූ කර ඇත) යනුවෙන් සදහන් වේ.

ඉතින් යාළුවනේ මම නම් කළේ ඔය 02 ක්‍රමයට තමා. බොරු කියන්න ඕනි නෑ මම කලින් දැනගෙන හිටියේ නෑ 01 ක්‍රමයෙන් කරන හැටි. ඒ  නිසා මට අත්දැකීම් තියෙන 02 ක්‍රමය ගැන ඉස්සෙල්ලාම කියා දෙන්නම්. මෙම කාඩ් එකේ ඔයාගේ නම ගහලා තියෙන්න ඕන. එහෙම නැති ඒවා  ඉලෙක්ට්රෝනික් යූස් ඔන්ලි කියලා තමා කියන්නේ.  මෙම ක්‍රමය සදහා Payza ඔයාගේ නම ගහපු කාඩ් එකක්ම ඉල්ලනවා. ඒ නිසා අලුතින් ගිණුමක් අරිනවා නම් තම අවශ්‍යතාව කියා කාඩ් එකක් ලබාගන්න.

දැන් ඔයාගේ කාඩ් එකේ ඉදිරිපස ඇති අංක 16යෙන් අවසන් අංක 04 හැර අනෙක් ඒවා වසා ස්කෑන් කර ගන්න. (ස්කෑන් කර මකා ගන්න) එහි පිටුපස පැත්ත ස්කෑන් කර සිකුරටි අංකය මකා ගන්න. Authorization form යන්න මත ක්ලික් කර එය ලබාගෙන ප්‍රින්ට් කර එහි අත්සන් තබා එය ස්කෑන් කර ගන්න. දැන් මේ සියල්ල Upload කරන්න. පහත රූපය බලන්න.

සාමාන්‍යයෙන් පැය 48ක් ඇතුළත ඔයාගේ ඊමේල් එකට පණිවිඩයක් ලැබේවි. ඒක කියවලා බලන්න. ඔබ නිවාරදිව තොරතුරු ලබා දුන්නා නම් ඔබගේ ගිණුම සාර්ථකව වෙරිෆයි වී ඇති බව එහි සදහන් වෙලා ඇති. ඒ අනුව ඔබගේ Payza ගිණුමෙහි Unverified කියලා මෙතෙක් තිබුණ එක දැන් verified ලෙස දිස්වේ. එය සිදුවී නැතිනම් ඔබ තොරතුරු ලබා දීමේදී ඇති වූ ගැටළුවක් විය හැකියි. මම සදහන් කළ විදියට කළොත් එහෙම වෙන්නේ නැහැ.

01 ක්‍රමයේදී කාඩ් එකේ නම ගහලා තියෙන්න ඕනි නැහැ. ඒ සදහා මම මුලින් දක්වා ඇති රූපයේ නිල් පැහැ රවුම ක්ලික් කළාම ලැබෙන ෆෝර්ම් එකේ තියෙනවා ඔලේ කාඩ් එකේ සිකුරටි අංකය ඇත්ළත් කරන්න එය CSV/CVV ලෙස සදහන් වෙනවා. ඊ්ට පහලින් ඇති කොටුවේ ඔබේ ඩීසා කාඩ් එකේ පිටිපස්සේ ඇති අංක 03කින් යුත් අංකය ටයිප් කරන්න. මීළගට එහි පහලම ඇති චෙක් බොක්ස් එකේ ටික් එකක් දාලා Next  බටන් එක ක්ලික් කරන්න.මේ අනුව ඔබට පනිවුඩයක් ඔබේ කාඩ් එකෙන් Payza ගිණුමට ඩොලර් 1ත් 2ත් අතර අගයක් අවශ්‍ය කර තියන වගට / මේ වන විටත් අදාල මුදල Payza විසින් ලබාගෙන ඇති බවටත් . එම මුදල කොපමණද යන්න අසාවි.එම මුදල නැවත ඔබේ Payza ගිණුමට එකතුවෙනවා. දැන් ඔබ ඔබේ කාඩ් එකේ සදහන් කාඩ් සෙන්ටර්එකේ Hotline එකට කතා කරලා ඒ මුදල දැනගෙන එය Payza වෙත දනුම් දීමෙන් අනතුරුව ඔබේ Payza ගිණූම සාර්ථක ලෙස වෙරිෆයි වනු ඇත. මීට අමතරව ඔයාලට Payza ගිණූමට බැංකු ගිණුමක් සම්බන්ධ කර ගන්න හැකියාවකුත් තියෙනවා.

දැන් ඔයාල අන්තර්ජාලේ උපයන මුදල් ලංකාවට ගෙන්න ගන්න ක්‍රමයක් තියෙනවා.ඔය ලංකාවේ බැංකු කාඩ් එකකට අමතරව විදේශීය බැංකු ගිණුවක් හරහා ලබා ගන්නා Pioneer වැනි කාඩ් මගිනුත් ලංකාවේ ATM යන්ත්‍ර මගින් මදල් ලබා ගන්න පුළූවන්. මම ඒවා අත්හදා බලලා නැහැ. මගේ ක්‍රමය තමා ඔයාලයට ඔය කියලා දුන්නේ.  සමහර විට ඉදිරියේදී මෙහි වෙනස්කම් වෙන්න පුළුවන්. මොකද මෙයාලා කාලෙන් කාලෙට යම් යම් වෙනස්කිරීම් කරනවා.ඔන්න මම පොරොන්දුව ඉටුකළා.

මෙහි පැමිණි ඔයාලා මගේ මෙම වෑයම අගය කරනවා නම් කොමෙන්ට් එකක් දාලම යන්න, අඩුපාඩු උනත් කමක් නැහැ.කොමෙන්ට් ඒරියා එක දිස්නොවන්නේ නම් ඔය පහල වම්පැත්තේ තියෙන දිනය මත ක්ලික් කළාම ඒක මතුවේවි. ඔයාලා මේක කරගෙන යද්දි මොකක්හරි ගැටළුවක් මතුවුණොත්දකුණු පැත්තේ තියෙන mail address එක මගින් මා සම්බන්ධ කරගත හැක. කාර්ය බහුල නිදා ටිකක් පමා උනත් දන්න දෙයක්නම් ගුරුමුෂ්ඨි නැතිව කියාදෙනවා. ඔබ කැමතිනම් ඊට උඩින් තියෙන ඇඩ් එකකුත් ක්ලික් කරගෙනම යන්න.

තවත් නැවත  එකක් අරන් හැකි ඉක්මනින් එන පොරොන්දුව පිට අදට නවතිනවා.

එහෙනම් පැමිණි සියලුදෙනාටම ජයෙන් ජය!!!